عدد الرسائل : 11 المزاج : رايقه بقووووووووووووه علم الدوله : المزاج : المهنه : الهواية : العمر : يوم | شهر | سنة الأوسمة : السٌّمعَة : 0 نقاط : 5848 تاريخ التسجيل : 28/11/2008
موضوع: اصدمني واتنازل (روايه من فتاة تلبس الفوشي)... الأربعاء أبريل 29, 2009 5:04 pm
يامساء المخدارات اللي لعبت في عقول الإمريكان وخلتهم يهذون بما يهذون به ومسائكم بلح ورطب وقهوه مزعفره بريحة الهيل المعتق في خياش لونها بني ومكتوب عليها رز المهيدب اعزائي الحيـاه حياااه والماااء ماااااء والنووم نووم وكل شي يسير على رجلين كائن بشري الا الكرسي له رجول بس مايمشي صدقوني لو تفلت الدنيا بوجيهكم دايم عاادي تقبلوا الوضع بصدر رحب تتفل الدنيا ولاغيرها يتفل حتماً سوف تضحك لك وتشوف صفار سنونها اللي يضيق صدّرك ولكن هذا الصفّار ماهو الا حضك الردي اللي مع الايام يطيب
انا شاب (شاب ولا طافي ) شاب سعودي لي خمس اصابع في يدي اليمنى ومثلهن في اليسرى ولي من الملامح مايخليك تسأل نفسك وانت تشوفني؟ هذا كائن حي ولا حائن كي؟ والكي مفتاح ومفتاحي في الحيـاه سعادتي وسعادته استشفها من بيتنا العزيز وانا احب بيتنا لإن فيه جدنا وفيه أمي وأبي أحب هذا البيت بيتنا كبيرررررر فيه اربع غرف ومقلط ومجلس رجال وفيه صاله فيه مكتبه بنيّه وفيها تلفزيون ابو باب من عهد جدتي طموحي في الحيـاه مايتعدى وظيفه تكفل لي حياة تمشي الحال احلم وكما يحلم بقية الشباب من هم مثل سني في حياه هادئه وسياره تمشي بك وثوب يسترك وفلوس بجيبك تغنيك عن تمنّن فلان وعلان يباشر عليك كل هذه الإحداث وأكثر ربما أتطرق لها لاحقاً
في مقلط بيتنا مرتع أبوي ومنفى أمي جالس أتابع أوبر أنفري وكانت جايبه حلقه عن الاطفال السياميين وجالس أدخّن ؟؟ وفاتح الشباك ومقرب بخاخ عرق ريحته رهييبه تروّح ريحة الدخااان شووي الا اسمع صوت جمس ابووي وجمس ابوي ذا اتوقع كلكم شفتوه شوفوه ملبق في التحليه كل عيد ياخذونه الامانه من ابوي ويعطونه 2945 ريال الخمس واربعين ريال هذي لي لإني انا اللي صورته وارسلتها ايميل للإمانه واخذوه ويوم جو يصرفون لإبوي المبلغ قالوا ترا 45 لولدك الفطين
طب ابوي والقط البخااااخ وهاتك ياتشتشه تحلف ماكان فيه احد جالس يدخن من زود الثواره نسيت الطفايه والبكيت ؟ جاا ابوي وقافلتن معه كان بالاحوال يبي يطلع لإخوي بطاقة واخوي ذا لااله الله كل وجه خدود وعيا يقصون له بطاقه قالوا لإبوي اقلعه اقرب بنشري نسّم له وجبه نصوره عيت تشيل الكاميره وجهه كله
والمعاناه ذي مع اخوي من 7 سنين اللحين عمره 23 تخيلوا ويمشي بصورة كرت العائله .. كم انت مسكين يـ اخي
شاف البكيت أبوي قال هات زقاره وانا ابوك اليوم النفس شينه قلت ابششششششر واولع له قلت احرررررررق يبه الدنيا بنت كلب تزعلك قال اي والله الا دخانك ذا كم قطران وكم نيكوتين قلت 0,4 ملغ قال وشو ملغ قلّلت هم كتبوها للتمويه والا هو ملغم حشيش يبه قال معك ؟؟ حشيش قلت استح على وجهك يبه هذا كبرك وتقول حشيش احترم نفسك وانا معك قسم بالله لو ماني ولدك اللي انت ابوه كااان لي تصرف ثاني معك قال ابوي عقب مافجر الولاعه بجبهتي اسمع يا الأرفل انت وتاليتها معك متى بتصير رجال قال وهي يسوي دوائر بدخان الزقاير شفت الميانه طاحت اخذت زقاره وسحبت الزقاره من يد ابوي هما الولاعه فجرها فيني وولعت وانا انفخ تسني كنداسة شاص قلت افففف شف يبه والا تدري اسمع والا اقولك قم نتغدى لاتجي امي تشوفنا اللحين ثمن عااد ماتسوى تربيتك عليك قم واخوي ذا بالله لاعاد توديه الاحوال انا باخذه وبوديه للغرابي وبيضبطونه هناك
رحت انا وابوي الا امي جالسه تعجن (هو للحين فيه احد يعجن ) اي امي قالت ياوليدي ياحشاشة جوفي قال ابوي حشيش؟ قلت يبه وش حشيشه قال ياايبوك انا عقب الملغ وانا مااش أحس ماني بصويحي قالت امي اييه من خبرتك وانت منت صويحي ضحكت انا وقلت خخخخخخخخخخخخخخ يبه تراها طعنت برجولتك قالت امي وهي تضغط على العجين بقووه اي والله والا انا وش زيني شف انتاج ابوك فيك انت والمركى اخوك لكن الله يعوضني الجنه ابوي زقت معاااه قال بالله ودها حراج بن قاسم وبدلها لي بمروحه قسم بالله اصرف قلت يبه حددددددك هذي أمي جنتي وناااااااري قال جعلك تصلى بالنار انت ومامداه يكمل الا وامي مجاوبته بصحن العجينه واقوم واحب راس امي قلت يمه الله يوفقك ياايمه ويجزاك خير قسم بالله بردتي كبدي ؟ قد شفتي أبو يفجر ولاعه براس ولده ؟؟
رحت بناء على طلب والدتي العزيزه لسوق الخضـار على الجمس حق ابوي البيج ونصه ازرق فاتح وقالب لونه رمادي من الشمس طلعت على طريق الملك فهد الله يرحمه (اقول ورا مايغيرونه ليه مثلا مانصير زي الكويت والبحرين يحطون اسماء شوارع تفتح النفس (شارع الأبراج - شارع الحب - شارع امشي بحالك - شارع سد خشمك ) حنا مافيه شارع الا وشارع الامير فلان الا فلاني شارع الملك فلان الا فلاني وقسم نحبكم ولالنا غناة عنكم اصلا الصور على الريالات والخمسين <- مابعد وصل للمية والخمسميه (ايه يبيلي سنين اكرف لين اشوف الملك عبدالعزيز طيب الله ثراه) الصور بحد ذاتها زادتنا وطنيّه وتشبعنا وطفحنا منها وطني العزيز وكم أحوبا ثراكا
مسكت الملك فهد بيده ودعسسست قبل لااوصل بنده تذكرت ان سوق الخضار حق المروج على اليمين لفيييييت بكل ما أؤتيت به من قوه انا لفيت والا مالفيت صاااار
الأربعاء أبريل 29, 2009 5:04 pm
) شاب سعودي لي خمس اصابع في يدي اليمنى ومثلهن في اليسرى ولي من الملامح مايخليك تسأل نفسك وانت تشوفني؟ هذا كائن حي ولا حائن كي؟ والكي مفتاح ومفتاحي في الحيـاه سعادتي وسعادته استشفها من بيتنا العزيز وانا احب بيتنا لإن فيه جدنا وفيه أمي وأبي أحب هذا البيت بيتنا كبيرررررر فيه اربع غرف ومقلط ومجلس رجال وفيه صاله فيه مكتبه بنيّه وفيها تلفزيون ابو باب من عهد جدتي
قال معك ؟؟ حشيش قلت استح على وجهك يبه هذا كبرك وتقول حشيش احترم نفسك وانا معك قسم بالله لو ماني ولدك اللي انت ابوه كااان لي تصرف ثاني معك قال ابوي عقب مافجر الولاعه بجبهتي 
